This website uses cookies
We rely on cookies to play video, display tweets, remember your preferences and to analyze our website trafic. You consent to our cookier if you click "Accept".
Il-Belt Valletta - Kapitali tal-Kultura 2018
Fit-13 ta' Ottubru 2012, tħabbar li l-Belt Valletta ntgħażlet bħala L-Belt Ewropea tal-Kultura għall-2018. Dan it-titolu prestiġjuż jirrifletti l-wirt kulturali inkredibbilment rikk ta' dan il-kapolavur tal-era Barokka.
Il-belt iffortifikata, li nbniet minn Jean Parisot de la Vallette, Gran Mastru tal-Kavallieri ta' San Ġwann, hija mimlija b'eżempji arkitettorali u artistiċi ta' passat iċċelebrat. Iżda dan l-unur mogħti lill-Belt Valletta huwa aktar minn rikonoxximent tal-imgħoddi ppriservat tajjeb tagħha – Il-Belt Valletta hija belt ħajja mimlija enerġija. Kultura mfawra b'kafetteriji, installazzjonijiet u wirjiet tal-arti, pjazez miftuħa u suq prosperuż kollha jikkontribwixxu biex jagħmlu l-Belt Valletta ferm aktar minn mużew ħaj.
Il-belt qiegħda tinbidel b'mod kostanti u dan jista' jidher bl-aktar mod ċar mit-tisbiħ tal-entratura tal-Belt Valletta. Dan il-proġett monumentali jikkombina l-iddisinjar mill-ġdid ta' bieb il-belt mal-bini ta' parlament ġdid u modern. Ix-xogħol jinkludi wkoll it-trasformazzjoni ta' teatru storiku li kien safa abbandunat wara li nqered fit-Tieni Gwerra Dinjija, kif ukoll il-ħolqien ta' pjazza ġdida: Pjazza de Valette.
Il-Fondazzjoni Valletta 2018 twaqqfet sabiex tmexxi s-sottomissjoni ta' Malta, li eventwalment intgħażlet, u kienet din l-organizzazzjoni li ħolqot il-viżjoni ambizzjuża għall-Belt Valletta fl-2018. Il-viżjoni hija bbażata fuq erba' elementi tematiċi: Ġenerazzjonijiet, Rotot, Bliet u Gżejjer. Matul l-2018, il-Belt Valletta ser tkun qiegħda torganizza għadd ta' avvenimenti li għandhom iservu bħala ispirazzjoni għal bliet oħrajn abbażi ta' dawn l-elementi.
Żur is-sit http://www.valletta2018.org għal aktar tagħrif dwar is-sottomissjoni, kif ukoll dwar l-avvenimenti u l-attivitajiet li ser ikunu qegħdin jiġu organizzati.
