Titjiriet Charter

Minbarra s-servizzi skedati bejn Malta u l-ajruporti ewlenin fl-Ewropa, fl-Afrika ta’ Fuq u fil-Lvant Nofsani, l-Air Malta topera wkoll programm charter estensiv.

Titjiriet charter b’ġita inkluża huma operati f’isem l-operaturi turistiċi Ewropej ewlenin minn ajruporti ewlenin, iżda b’mod speċjali minn ajruporti reġjonali li b’hekk iqarrbu lil Malta lejn id-djar ta’ eluf ta’ turisti. Barra minn hekk, charters ta' konsolidazzjoni jiġu pprogrammati speċifikament biex jaqdu l-operaturi turistiċi ta' daqs żgħir u medju li altrimenti ma jeħdux ir-riskju li jiċċarterjaw ajruplan sħiħ. L-Air Malta hija rikonoxxuta bħala pijunier f’dan il-qasam, biex b’hekk issaħħaħ l-irwol mexxej tagħha fl-industrija tat-turiżmu Malti.

L-opportunitajiet charter ad hoc jiġu ttrattati b'mod professjonali, tant li jqajmu l-aqwa għarfien u flessibbiltà mid-dipartimenti kollha.

L-istima ta’ klijenti ta' operaturi turistiċi ewlenin lejn iċ-charters tal-Air Malta nkisbet permezz tad-dedikazzjoni lejn servizz effiċjenti u fil-pront mill-mument li nirċievu l-ewwel talba sakemm il-klijenti tagħna jaslu lura d-dar. Xhieda ta’ dan huma l-kummenti ta' tifħir mill-passiġġieri u l-Awards Internazzjonali għall-Aqwa Prestazzjoni u Servizzi Operazzjonali.

Għal aktar informazzjoni, ċempel fuq in-numru (356) 22 999 145, żur kwalunkwe Uffiċċju Sekondarju tal-Air Malta jew ibgħatilna e-mail.

1