Nivvjaġġaw Flimkien Għalik - Netwerk b'saħħtu ta' msieħba
Air Malta sservi ħafna mid-destinazzjonijiet maġġuri Ewropej, iżda għad ma ntirux kullimkien. Din hija r-raġuni għala naħdmu ma’ linji tal-ajru oħrajn li jaħsbuha bħalna sabiex ngħinuk tasal fejn trid u kemm jista’ jkun mingħajr intoppi.
Il-Partners Tagħna tal-Codesharing
Stabbilixxejna sħubiji ta’ codeshareing mal-linji internazzjonali tal-ajru ewlenin. Fi ftit kliem, codesharing huwa ftehim bejn l-Air Malta u linja tal-ajru oħra fdata li jippermettilek tibbukkja l-vjaġġ kollu tiegħek billi tuża l-kodiċi ‘KM’ tal- Air Malta, kemm jekk inservu d-destinazzjoni tiegħek direttament kif ukoll jekk le.
Inti faċilment tista’ tidentifika liema titjiriet tal-Air Malta huma operati mill-partners tagħna. Kull ma għandek tagħmel hu li tara n-numru tat-titjira: titjiriet codesharing jintgħarfu għax jużaw in-numru tat-titjira “KM” fil-medda tal-2000.
Il-benefiċċji tal-codesharing jinkludu:
- Biljett wieħed għall-vjaġġ kollu tiegħek, mill-buking saċ-check-in
- Tikseb boarding passes fl-istess ħin għat-titjiriet kollha tiegħek*
- Tagħmel check-in tal-bagalja tiegħek darba u tirċieviha fid-destinazzjoni finali tiegħek.
- Skedi aktar konvenjenti għal konnessjonijiet aktar faċli
- Opportunitajiet akbar biex tiggwadanja Flypass KMiles.
L-Imsieħba tagħna huma:
- Aeroflot
- Air France
- airBaltic
- ITA Airways
- Austrian
- Brussels Airlines
- Czech Airlines
- Emirates
- KLM
- Lufthansa
- Qatar Airways
- Swiss International Air Lines
- Turkish Airlines
Ftakar...
- li għandek tagħmel check-in mal-linja tal-ajru li tkun qed topera t-titjira inizjali tiegħek.
- Li r-restrizzjonijiet fuq il-bagalji u l-piżijiet permessi jistgħu jvarjaw abbażi tal-linja tal-ajru li tkun qed topera t-titjira tiegħek. Dejjem għandek tiċċekkja mal-linji tal-ajru kollha fuq l-itinerarju tiegħek sabiex tagħmel ċert li inti konformi.
* Boarding passes huma disponibbli biss fuq it-titjiriet kollha mal-linji tal-ajru partners li ġejjin: Air France, Emirates, Etihad Airways u Lufthansa
