Il-Maltin huma rinomati għall-mod kif igawdu l-ħajja u l-ammont ta' postijiet tad-divertiment li nsibu f'dawn il-gżejjer juri dan. In-numru jġib miegħu wkoll diversità tajba, li żgur tipprovdi xi ħaġa għal kull età u għall-gosti ta' kulħadd.
Il-biċċa l-kbira tal-bars u l-klabbs jinsabu b'mod konvenjenti f'Paceville/San Ġiljan u f'Buġibba, għalhekk, jekk tkun qed toqgħod f'dawk l-inħawi, lejl ta' divertiment hawnhekk jista' jinkludi bosta waqfiet mingħajr il-ħtieġa tat-trasport.
Il-Gżejjer jiftaħru wkoll b'għadd numeruż ta' klabbs u diskoteki għall-beraħ li jinsabu kemmxejn fl-imwarrab – dawn normalment ikunu servuti tajjeb bit-trasport pubbliku u d-divertiment u d-DJs ta' kalibru internazzjonali li jilqgħu fihom żgur jagħmlu l-vjaġġ vallapena.
Ovvjament, jekk qed tfittex atmosfera aktar allegra, tista' tqatta' serata rileassanti f'wieħed mill-ħafna ħwienet tal-inbid moderni li jinsabu madwar Malta u Għawdex, bil-Belt Valletta hija l-qofol għal dan it-tip ta' serata.
Hu x'inhu l-pjaċir tiegħek fid-divertiment, dawn il-gżejjer żgur ser jagħtuk iċ-ċans li tgawdi l-btala tiegħek sal-massimu, waqt li tiżvoga l-istress tiegħek mis-sigħat twal u ebsin tax-xogħol ħdejn il-baħar.
