Ġib l-apparat sportiv miegħek
Għall-vjaġġatur attiv
Il-gżejjer Maltin joffru destinazzjoni mill-aqwa għal dawk li jħobbu l-isport. Il-mixi fil-kampanja, it-tixbit mal-blat, iċ-ċikliżmu, l-iskijjar fuq l-ilma u ħafna aktar attivitajiet sportivi jistgħu jiġu esplorati ladarba tasal hemmhekk.
Kemm jekk inti persuna li tipprattika l-isport b'mod professjonali jew jekk sempliċiment trid tipprova xi ħaġa li tagħtik aktar adrenalina, aħna pprijoritizzajna l-ħtiġijiet tiegħek u, għalhekk, qegħdin noffrulek offerti mill-aqwa fuq l-apparat sportiv tiegħek. Din li ġejja hija deskrizzjoni dettaljata ta' dak li aħna noffru lill-passiġġieri tagħna li għandhom l-isport għal qalbhom:
Tariffi fuq il-bagalji għall-vjaġġaturi sportivi
Oġġett wieħed. Tariffa waħda. Imnaqqsa għall-prenotazzjonijiet li jsiru bl-internet.
Id-delizzju li tgawdi l-isport favorit tiegħek barra minn pajjiżek ma għandux ikun għali jew diffiċli. Kien għalhekk li aħna ddeċidejna li nissimplifikaw it-tariffi tagħna fuq il-bagalji sportivi. Bi €40 biss għal kull oġġett għal kull titjira meta tibbukkja fuq il-websajt tagħna, aħna qegħdin nagħtuk is-setgħa li ssegwi l-passjoni li għandek u tgawdi l-vjaġġ tiegħek.
Kif u meta għandek tibbukkja
- Ixtri l-vawċer għall-apparat sportiv tiegħek bl-internet minn hawnhekk
- Il-prenotazzjoni tista' ssir sa 4 sigħat qabel it-tluq tat-titjira
Disponibbli fuq l-oġġetti sportivi li ġejjin
It-tariffa msemmija fuq tapplika biss għall-apparat sportiv elenkat fil-lista li ġejja. Żomm f'moħħok li dawn l-oġġetti kollha għandhom jiġu rreġistrati separatament mill-bqija tal-oġġetti fil-bagalja billi jitqiegħdu fil-borża addattata għall-apparat sportiv.
- Apparat tal-isparar bil-qaws
- Roti
- Il-blalen tal-bowling - massimu ta' erba' blalen flimkien maż-żraben
- Apparat tal-krikit
- Stikek tal-kroke
- Affarijiet relatati mal-isport taż-żfin
- Apparat tal-għadis taħt l-ilma
- Apparat tal-fencing
- Stikek tal-golf
- Apparat tal-ħoki
- Apparat tas-surfing bit-tajra
- Apparat tal-ibburdjar
- Apparat tal-iskijjar
- Skis ta' fuq il-baħar
- Apparat tal-futbol
- Apparat tal-abseiling
- Taghmir ta' tixbit mal-blat
- Tagħmir tat-tennis
Ftakar. L-apparat tal-fencing u tal-isparar bil-qaws għandu jinħażen f'kontenitur iebes sabiex tiġi evitata l-ħsara, filwaqt li għandu jiġi rreġistrat u jittella' abbord mal-bagalja, mhux jinġarr bħala bagalja tal-idejn.
L-oġġetti kollha li jinġarru fil-bagalji u li mhumiex elenkati hawn fuq jiġu ċċarġjati skont it-tariffi normali applikabbli għall-bagalji żejda.
Aqra t-termini u l-kundizzjonijiet relatati mal-apparat sportiv
- Kull vawċer huwa validu għal kull oġġett ta' apparat sportiv.
- L-apparat sportiv għandu jiġi ppakkjat separatament.
- Il-vawċer tal-bagalji żejda għandu jiġi ppreżentat waqt iċ-check-in.
- Kull vawċer huwa validu għal vjaġġ f'direzzjoni waħda biss.
- Il-piż massimu għal kull basket/bagalja ma għandux ikun ta' aktar minn 32 Kilo.
- It-tariffa mħallsa mhijiex rifondibbli u mhijiex trasferibbli.
- Il-vawċers jistgħu jinxtraw sa 4 sigħat qabel it-tluq.
Xi noti finali li għandek iżżomm f'moħħok
- It-tariffi u l-kondizzjonijiet japplikaw biss għat-titjiriet operati mill-Air Malta.
- Meta l-apparat sportiv jiġi rreġistrat fl-ajruport lejn l-aħħar destinazzjoni tiegħek fuq titjiriet ma' kumpaniji tal-ajru differenti, jiġifieri l-Air Malta u kumpanija tal-ajru oħra, f'ċerti każijiet jistgħu japplikaw ir-regoli tal-kumpanija tal-ajru l-oħra.
- Tinsiex tipprintja l-Vawċer tiegħek relatat mal-Bagalji Sportivi u tippreżentah fiċ-check-in. Il-vawċers jiswew €60 kull oġġett għal kull titjira jekk jinxtraw mill-ajruport.
- Jekk għandek bżonn tieħu miegħek oġġetti bħal strumenti mużikali jew affarijiet għat-trabi u t-tfal, dawn għandhom jiġu bbukkjati minn qabel. Żur il-kategorija dwar il-bagalji speċjali biex titgħallem aktar.
- Jekk għandek xi mistoqsijiet, jekk jogħġbok ikkuntattja liċ-ċentru telefoniku internazzjonali tagħna.
