Il-karriera li għandhom jagħżlu dawk b'ambizzjonijiet kbar

Il-Kultura tagħna

 

In-nies li jaħdmu mal-Air Malta huma impenjati li jissodisfaw il-ħtiġijiet tal-vjaġġaturi tal-lum u jirrappreżentaw l-ispirtu Malti fl-aqwa tiegħu.

Aħna ppassjonati sabiex ngħinu lill-klijenti tagħna jimmassimizzaw iż-żmien li jqattgħu fil-kumpanija tagħna u fil-Gżejjer Maltin, kemm jekk bħala viżitaturi jew bħala residenti.

Bħala tim, aħna naħdmu sabiex inħeġġu lill-viżitaturi jiskopru d-diversità rikka ta' Malta, li tabilħaqq hija meqjusa bħala destinazzjoni Mediterranja unika. Aħna nittamaw li l-introduzzjoni tagħna għal Malta tħeġġiġhom biex jerġgħu jiġu jżuruna, jagħmlu skoperti ġodda u jkomplu jiffamiljarizzaw ruħhom ma' Malta u mal-poplu tagħha ma' kull żjara li jagħmlu.

Aħna nagħmlu dan billi nagħtu merħba kordjali lill-viżitaturi u nipprovdu servizz iddedikat minn dak il-mument li jikklikkjaw fuq il-websajt tagħna sakemm jaslu lura f'pajjiżhom wara żjara pjaċevoli u sodisfaċenti.

Jekk tidħol taħdem mal-Air Malta, inti tkun parti minn tim magħqud u impenjat u jkollok irwol sinjifikanti fil-kisba tal-viżjoni tagħna li nkunu rikonoxxuti bħala kumpanija tal-ajru ewlenija fuq skala internazzjonali.

Il-ħajja fl-Air Malta

L-aqwa riżorsi li għandna fl-Air Malta huma l-impjegati tagħna, billi dawn huma l-ambaxxaturi tal-kumpanija tal-ajru tagħna u tal-Gżejjer Maltin.

Aħna qegħdin infittxu li noħolqu ambjent tax-xogħol li jkun pjaċevoli u produttiv u li jipprovdi lil dawk li jirnexxu f'xogħolhom b'opportunitajiet li jkomplu javvanzaw fil-karriera tagħhom.

Skont ir-rwol li jkollok fl-Air Malta, dawn huma wħud mill-benefiċċji li tista' tistenna:

• wieħed mill-aqwa ċentri kummerċjali f'Malta, li jinsab fi Skyparks, jew b'mod alternattiv, fl-Ajruport Internazzjonali ta' Malta, li huwa wieħed mill-aqwa ajruporti reġjonali tal-Ewropa
• ittejjeb il-ħiliet tiegħek permezz ta' programmi ta' mentoring u taħriġ fuq ix-xogħol
• tkun tista' tarrikkixxi l-komunità lokali permezz ta' involviment fil-programm tagħna ta' responsabbiltà soċjali korporattiva
• tgawdi benefiċċji fl-ivvjaġġar fuq in-netwerk ta' titjiriet tal-Air Malta u ma' xi msieħba interlineari

Impjieg magħna

L-industrija tal-kumpaniji tal-ajru hija kompetittiva ħafna u l-kumpanija Air Malta tilqa' ħaddiema beżlin, innovattivi u orjentati lejn is-servizz sabiex tibqa' fuq quddiemnett. Impjieg mal-kumpanija tagħna joffrilek opportunitajiet eċċezzjonali sabiex tkun tista' tagħmel l-aħjar użu mill-abbiltajiet tiegħek u tiżviluppa l-karriera tiegħek fi kwalunkwe wieħed mill-oqsma li ġejjin:

• Il-Ground Handling
• L-Inġinerija 
• L-Immaniġġjar tal-Passiġġieri
• L-Ekwipaġġ tat-Titjira
• L-Ekwipaġġ tal-Kabina
• Il-Bejgħ, il-Kummerċjalizzazzjoni u l-Ġestjoni tad-Dħul
• L-Operazzjonijiet Kummerċjali
• Il-Finanzi
• Ir-Riżorsi Umani
• L-Operazzjonijiet tat-Titjiriet
• It-Teknoloġija tal-Informatika
• Il-Ġestjoni tal-Proġetti

Kif Tapplika

L-Air Malta ssegwi l-proċess ta' reklutaġġ standard tal-kumpaniji pubbliċi Maltin kollha, li jassigura li l-ħatriet kollha jiġu kkunsidrati b'mod trasparenti u ġust abbażi tal-mertu. Din li ġejja hija ħarsa ġenerali lejn il-proċess tar-reklutaġġ tagħna:

1. Meta tinħoloq pożizzjoni ġdida jew tiġi vakanti pożizzjoni preċedenti, l-Air Malta toħroġ sejħa interna għall-applikazzjonijiet sabiex tidentifika kandidat xieraq fi ħdan il-kumpanija.
2. Jekk il-pożizzjoni ma timteliex, l-Air Malta tirreġistra l-pożizzjoni mal-ETC (il-Korporazzjoni tax-Xogħol u t-Taħriġ), li min-naħa tagħha tippromwovi l-post tax-xogħol battal mad-database tagħha ta' persuni li jkunu qegħdin ifittxu x-xogħol.
3. L-aħħar pass jinkludi l-promozzjoni tal-post tax-xogħol battal fuq l-internet, fuq il-gazzetti u permezz ta' numru ta' aġenziji tar-reklutaġġ ta' fiduċja.

Ladarba jiġu identifikati l-applikanti prospettivi permezz ta' waħda mill-proċeduri msemmija hawn fuq, l-applikanti jiġu intervistati minn membru mit-tim tar-riżorsi umani, kif ukoll mill-maniġers tad-dipartiment u tat-taqsima rilevanti. 

Opportunitajiet Disponibbli